Тэматычныя выходныя "Святочны час" у Дукорскім маёнтку

У межах тэматычных выходных "Святочны час" Дукорскі маёнтак ладзіць калядныя зборныя экскурсіі для індывідуальных наведвальнікаў. У атмасферы старадаўняга зімняга маёнтка вы сустрэнецеся з неад'емнымі героямі зімовых святаў, дашляце самаробныя паштоўкі сябрам ды сваякам і зробіце адмысловыя сувеніры на памяць аб вандроўцы.
Удзел уваходзіць у кошт білетаў, папярэдні запіс не патрэбны.

У вольны час для самастойнага наведвання даступны перавернуты дом, заасад, выстава рэтра-аўто, 400-гадовы Дуб жаданняў, сярэднявечнае гарадзішча, рамесныя майстэрні і шмат іншага. А ў 12:00 магчыма наведаць аглядную экскурсію па музеі і вуліцы майстроў.

ДАТЫ
14, 21, 28 снежня ў 15.00
15, 22, 25, 29 снежня ў 14.00 4, 5, 6, 7, 11, 12 студзеня ў 14.00.

Кошт квіткоў
Дарослыя - 20 BYN;
Дзеці 7-18 гадоў - 10 BYN;
Дзеці да 7 год, імяніннікі, дзеці-інваліды, інваліды 1-2 груп, ветэраны ВАВ - бясплатна.